‘न्यू नेर्लेकर बुक सेलर्स ‘ च्या सर्व ग्राहकांस मनः पूर्वक धन्यवाद ! श्री ब्रम्हचैतन्य गोंदवलेकर महाराजांच्या कृपेने व सर्व ग्राहकांच्या शुभेचेने आमची वेबसाईट सुरु करताना अतिशय आनंद होत आहे. धार्मिक ग्रंथ, ज्योतिष व अध्यात्मिक पुस्तके यांची एक वेबसाईट सुरु करण्याची इच्छा बरेच दिवसापासून मनामध्ये होती. धार्मिक ग्रंथ, अध्यात्मिक, ज्योतिष, आयुर्वेदिक पुस्तकांची विक्री दुकानातून खूप प्रमाणात होत आहे व होत राहील. तरी ग्राहकांच्या खास मागणी वरून, खास आग्रहाखातर हा उपक्रम सुरु करण्याचा निर्णय घेतला. “हेच आदरणीय ग्राहक आम्हास उदंड प्रतिसाद देतील असा विश्वासहि आम्हाला आहे.”

“वेबसाईट च्या निमित्ताने नवीन उपक्रमा द्वारे “न्यू नेर्लेकर बुक सेलर्स” पुन्हा एकदा ग्राहकांच्या सेवेत हजर होत आहे. त्या निमित्ताने “न्यू नेर्लेकर बुक सेलर्स” संबंधी थोडेसे सांगावेसे वाटते.

“न्यू नेर्लेकर बुक सेलर्स” हि संस्था इ. स. १९१७ मध्ये स्थापन करण्यात आली. तसे संस्थेचे मुळचे नाव ‘ नेर्लेकर बुक सेलर्स हि संस्था वै. श्री बाळकृष्ण महादेव नेर्लेकर यांनी सुरु केली. संस्था त्यांनी १९७३ पर्यंत चालवली. त्यानंतर संस्थेचे कामकाज श्री दिगंबर (प्रकाश) राजाराम नेर्लेकर आज तागायत पाहत आहेत. इ. स. १९९९ साली संस्थेचे नाव “न्यू नेर्लेकर बुक सेलर्स” करण्यात आले. श्री प्रकाश नेर्लेकर यांच्या अथक परिश्रमा मुळे संस्था नावारूपाला आली आहे. तसेच माझी आई सौ. प्रज्ञा दिगंबर नेर्लेकर हिची माझ्या वडिलांना १९७७ ते १९९९ ह्या २२ वर्ष्याच्या काळात मोलाची साथ मिळाली. आज आई वडिलांच्या आशीर्वादामुळेच हे शक्य झाले आहे.

विशेषतः नमूद करावेसे वाटते कि, श्री प्रकाश नेर्लेकर हे अनेक वर्षे कार्यरत असल्यामुळे बऱ्याच जुन्या दुर्मिळ पुस्तकांची माहिती व संग्रह त्यांनी करून ठेवला आहे. त्यांच्या या स्तुत्य प्रयत्नामुळेच संस्थेचा नावलौकिक झाला आहे.

सुमारे इ. स. १९९९ पासून माझे मोठे बंधू श्री प्रशांत दिगंबर नेर्लेकर व मी स्वरूप दिगंबर नेर्लेकर आम्ही आमचे वडिलांस हा व्यवसाय चालवण्यास हातभार लावत आहोत. हि वेबसाईट सुरु करण्यामागे माझी पत्नी सौ. धनश्री स्वरूप नेर्लेकर हिचा मोलाचा वाटा आहे. तिच्या प्रेरणे मुळेच माझे वेबसाईट सुरु करण्याचे स्वप्न साकार झाले. तिला मनःपूर्वक धन्यवाद.

ज्या प्रमाणे “न्यू नेर्लेकर बुक सेलर्स” नावारूपाला आली आहे व संस्थेला जो ग्राहकांचा प्रतिसाद लाभत आहे, तसाच प्रतिसाद आमच्या वेबसाईटला मिळावा व वेबसाईट नावारूपाला यावी हि श्री गोंदवलेकर महाराजांच्या चरणी प्रार्थना.”